Online Reporter
Nkosilathi Sibanda
KULENDODA eleminyaka engu-52 yokuzalwa emiswe emthethwandaba kaMantshi eRusape ngecala lokutshaya umkayo, emsola ngokungaziphathi ngoba esele ekwejise emfeni.
Indoda le, ehlala eHeadlands, esabelweni seManicalands, kubikwa yenza lelicala mhlaka 8 Nhlolanja 2026, ngokubika kweNational Prosecuting Authority of Zimbabwe.
Kubikwa ngalelo langa umamangala wayevela emfeni kusiqinti esiseduzane lalapho abahlala khona. Umsolwa wathi kumkakhe kungani esele emfeni kutsho ukuba uyisifebe. Lokho akuzange kumphathe umkakhe bahle baqala ukuxabana.
Inkundla izwe ukuthi umsolwa wabamba umkakhe, wamdonsa inwele, wamkhaba kanengi nengi, wamjikijela ngelitshe ekhanda. Umamangala wenelisa ukubaleka, wayacatsha kwabozala, andubana ayebikela amapholisa.
Umsolwa wabotshwa esolwa ngecala lokuhlukumeza, waphiwa isigwebo sokuhlala ejele inyanga eziyisitshiya galolunye.
