Online Reporter
Fungai Muderere
KUNGABE sekukhangelelwe ukungena kuligi yePSL enkambeni yeBulawayo Chiefs, nanko ukunqoba ekwenzayo kuveza ukuthi ingabizwa njengentshantshu ekupheleni kwesizini.
Iqembu elidlala kuZifa Southern Region Division One leli, selilemiklomelo engu-26 ngemva kwemidlalo engu-12. Likhokhela ingalane ngomklomelo owodwa phezulu kweNkayi United. IHwange inqobile, yabambelela kumbango wokufika esiqongweni.
Umsekeli kamqeqetshi weChiefs uBekithemba Ndlovu uthe bahlose okukhulu ngoba bafuna ukuphenduka kuPSL.
“Savuka sazithintitha kulandela ukungadlali kuhle kumidlalo edluleyo,” nguNdlovu lo ekhuluma leZimpapers Sports Hub.
Wengeze wathi: “Ukudlala ngokulingana akukho kubi. Ngicabanga ukuthi singathatha umklomelo lo, sinqobe emdlalweni olandelayo sisekhaya.”
Amakhosi Amahle anqotshwa okwakuqala yiNkayi United nge 2-1. Kumdlalo wayo leVictoria Falls City Herentals, umqondo wethimu wawuhlose ukuthi inqobe okuzwayo.
Kusenjalo iZifa ibika ukuba isivalile ukwamukela labo abangene kumncintiswano wokucecisa isikipa samaWarriors.
Impumela yemidlalo:
Talen Vision 0-1 Bosso 90, Nkayi United 4-0 Zebra Revolution , Bulawayo Warriors 0-1 Bulawayo Chiefs , Hwange FC 3- Jordan FC, Eagle Life 0-0 Bulawayo City , Imbizo FC 1-0 Ajax Arenel Movers , Black Rock 0-0 Nust FC, Mainline 1-0 Megawatt
