adminYiNtatheli kaMthunywa
AMAQEMBU adlala kumaligi aphansi uDivision 2 kanye lo 3 ayabobotheka nanko phela inkampani yeWillsgrove lamanye asebike ukuba izaqhubekela phambili inikeza amaligi la usekelo lwemali.Umgcinisihlalo wenguqu esathuthuka esabelweni sakoBulawayo, uWashington Chimhanda uthe uyathokoza ukuba inkampani ye-Willsgrove kayibalahlanga ngoba sebexoxisane layo yavuma ukuthi izasebenzelana labo.
“Kulandela ukuqhutshwa komhlangano wethu omkhulu ngoNhlolanja, kuyathabisa ukubika ukuthi amaligi ethu aqhuba kakuhle njalo usekelo lokhe lusiza kancane kancane. Esikuqonqoselayo kakhulu yikuthi amaqembu ethu abhadale imali ezifunakalayo, kungakhathalekile ukuthi adlala kuwaphi amaligi,” kutsho uChimhanda.
UChimhanda ubike ukuthi uhlupho abahlangana lalo kumaligi aphansi yibuqili lokungathembeki kwamathimu.
“Savumelana ukuthi lonyaka amathimu akhethe abadlali abasakhulayo hatshi ukuthi kuthathwe “amadoda” okumele adlale kuPremeir Soccer League (PSL), azobhuza ebantwaneni. Ubuqili obunjalo sesike sahlangana labo ngakho thina kasihambisani lakho ngoba inhloso yethu ngeyokuthi sithuthukise abafana abasakhulayo,” kutsho uChimhanda.
Kusenjalo uMthunywa uzwe ukuba kulamathimu athwele nzima ukubhadala imali yokudlala lokuba yingxenye yeligi engafika i$800.
Iligi ka-Division 2 ilamathimu alitshumi lasithupha kuthi u-Division 3 udlalelwa ngalitshumi lantathu.
Online Reporter