Online Reporter
Fungai Muderere
UTRY Ncube usezibambile kuHighlanders, njengoba ibizo lakhe lisitsho, kuzamele azame ukuthi enze ngcono kuloKelvin Kaindu, kulimpelaviki.
UNcube uthethe isikhundla ngemva kokuba iHighlanders yehlukane loKaindu ngoMvulo.
Umsebenzi kaNcube esesikhundleni esikhulu uqala ngeSonto lapho iBosso ingqikilana labafana abatsha kuCastle Lager Premier Soccer League abeMWOS, enkundleni yeBarbourfields.
IBosso izabe ingaphansi komqeqetshi uTry Ncube ozancediswa ngu-Agent Sawu. Abaqeqetshi laba bobabili basebenze loKaindu njengabasekeli bakhe.
Iqembu lakoBulawayo lamukela iPunters enqotshwe okwakuqala kulisizini yiNgezi Platinum Stars.
Emdlalweni wakuqala i-MWOS yanqoba iHighlanders nge1-0 njalo kusazobonakala ukuthi uNcube loSawu bazakwazi na ukuqondisa umkhumbi weBosso phambili kwabalandeli babo eMagumeni.
Kweminye imidlalo, ngoMgqibelo iChicken Inn izadibana leBikita Minerals eGibbo.
Kusenjalo, umqeqetshi weChicken Inn, uJoey Antipas useqinisekise ukuthi iqembu lakhe lizadinga abadlali abatsha lifake amandla kumkhankaso walo.
“Loba kanjani sizakwenza inguquko ezithile eqenjini,” kutsho u-Antipas.
“Sikhangelele ukuletha abadlali abatsha abambalwa, ikakhulukazi abagadli. Sidinga ukuvuselela ingxenye yethu yesibili yesizini.”
ISimba Bhora izadlala leFC Platinum eMandava. Indlela ziqonde e-Ascot Stadium lapho okuzadlala khona iTelOne leHerentals ngelanga elifanayo.
Imidlalo kuCastle Lager Premiership ngeviki lesi-18:
NgoMgqibelo: Telone v Herentals College (Ascot Stadium), ZPC Kariba v Dynamos (Nyamhunga), FC Platinum v Simba Bhora (Mandava Stadium), Yadah v Manica Diamonds (Heart Stadium), Bikita Minerals v Chicken Inn (Gibbo Stadium), Ngezi Platinum Stars v Kwekwe United (Baobab Stadium),
NgeSonto: Highlanders v MWOS (Barbourfields), CAPS United V Greenfuel (Rufaro Stadium), Triangle v Scottland (Gibbo).
