Online Reporter
Abel Ndooka
MURAIRIDZI wechikwata chenyika chemaWarriors – Michael Nees – akadoma chikwata chake musi weChipiri chino icho chichasanagana neBurkina Faso neNiger mumitambo yehushamwari.
MaWarriors achasangana neBurkina Faso neNiger mwedzi unotevera uye mitambo yese ichatambirwa kunyika yeMorocco.
Mitambo iyi yakakosha zvikuru kunaNees sezvo ichamupa mukana wekuongorora vatambi apo maWarriors gore rino atakarisana nemitambo yakakosha inosanganisira kurwira kuenda kuWorld Cup 2026 uye Africa Cup of Nations (AFCON) uyo uchatambwa pakupera kwegore rino.
Muchikwata chakasarudzwa naNees, chakaona Bill Antonio achidzoka zvichitevera kumbopedza nguva refu asingashevedzwe sezvo akange akakuvara.
Mubati wepagedhi Elvis Chipezese, Tino Kadewere naJonah Fabisch vese vakadzoka zvekare muchikwata ichi.
Asi Nees akasiya vamwe vatambi vepamusoro vanosanganisira Marshall Munetsi, Knowledge Musona, Marvelous Nakamba Andy Rinomhota avo vaange achimboshevedza kuti vazotambira chikwata ichi mumitambo ichangodarika.
