adminMalven Mugadzikwa
NYIKA yeZimbabwe yakatarisana nenguva yekupisa kwakanyanya pari zvino uye kupisa uku kuri kutarisirwa kuti kuchaenderera kusvika nemusi weSvondo 3 Zvita.
Kupisa uku kuri kufungidzirwa kuti kuchasvika pakati pe33 ne37 degrees Celsius.
Veruzhinji vanokwanisa kuzvichengetedza kubva mukupisa nenzira dzakasiyana, kusanganisira dzinotevera:
– Mumuviri munofanira kugara muine mvura yakawandisa. Veruzhinji vanokurudzirwa kuramba vachinwa mvura yakawandisa, kunyanya vana nevanhu vechikuru.
– Veruzhinji vanofanira kuderedza kushandira pamhene panenge paine zuva rakanyanya. Kana vachishandira pamhene, vanofanira kupfeka nguwani dzinodzivirira zuva.
– Veruzhinji vanofanira kurega kuenda panzvimbo dzekuti vanotsva nezuva zvakanyanya kuti vasanzwa kuneta-neta.
– Chero mhuka nezvipfuyo, zvinoda kugara zviine mvura mumuviri saka zviinofanira kugara dzichipihwa mvura yekunwa.
– Vana havafanire kusiiwa vakavharirwa mudzimotokari kana kuchipisa saizvozvi.
Online Reporter