adminDR Bernard Madzima, avo vanove director kubazi rezveutano nekurerwa kwevana vachishandira kuchikamu cheutano hwemhuri (Family Health), vanoti hudzi hunokonzerwa nezvakasiyana izvo zvinosanganisira mishonga inenge ichinwiwa nemunhu, ingava yekurapa.
“Muviri unogona kuburitsa uturu nekuda kwemishonga inenge ichitorwa nemunhu, seyezvirwere zveshuga. Asi dzimwe dzenguva nekuda kwekupisa kwakanyanya zvichizobatana nemabhakitiriya, zvinoita kuti muviri unhuwe zvakanyanya. Kunhuwa uku kunogona kuwandira kunhengo dzakadai semumawoko, mutsoka kana muhapwa vamwewo muviri wese,” vanodaro.
Dr Madzima vanoti zvimwe zvakare zvirwere zvakaita segomarara, rurindi, gurokuro nezvemapapu zvinogona kuita kuti munhu anhuwe.
“Tinoramba tichikurudzira vanhu kuti kana vakaona kuti munhuwi uri mumiviri yavo uri kuramba uchienderera mberi, vanofanira kuenda kunoona machiremba kuti vabatsirwe nekukasika,” vanodaro.
Online Reporter