Online Reporter
Nkosilathi Sibanda
UMQEQETSHI weqembu lelizwe elama-Under 17, uThulani Sibanda uthe ucela ukuthi abalandeli bomdlalo babekezele ngoba iqembu lisasekhoma emncintiswaneni yeCosafa U17.
Umqhudelwano lo, odlalelwa eNorton, uqale ngoLwesine.
AmaYoung Warriors aqale umkhankaso wawo edlala lelizwe leMozambique, anqotshwa 1-0.
“Sicela ukubekezela kubalandeli bethu. Bekungumdlalo wakuqala, ngakho sisasekhona emncintiswaneni. Lokhe silethemba. Sikhuthaza abalandeli ukuthi baqhubeke ngosekelo. Kumele basikholwe ngoba sikhona emncintiswaneni,” kutsho umqeqetshi lo ngemva komdlalo leMozambique.
Kusenjalo, imidlalo iyaqhubeka ngoLwesihlanu.
Enkundleni yeNgoni, iMadagascar idibana leMalawi kumdlalo kaGroup B, iSouth Africa idlala leZambia.
IMauritius idlala leLesotho kumdlalo kaGroup C wakuqala. IBotswana izakwamukela i-Angola kumdlalo ozalandela.
AmaYoung Warriors azangena enkundleni ngoMgqibelo, besebedlala leSwatini, enkundleni yeNgoni, ngehola lesithathu emini.
