admin
INKUNDLA yeNational Sports Stadium izavinjelwa ukuphatha imidlalo yamaqembu adibanisa amazwe leminye imiqhudelwano ebalisela eye-Caf Men’s Inter-Club Competitions.
Lokhu kuvezwe yinhlanganiso yeConfederation of African Football (Caf) kuliviki.
Inkundla le, ebiyiyo yodwa ebisetshenziswa liqembu lesizwe, ihlolwe ngeviki edluleyo njalo izavunyelwa ukusetshenziswa okwesikhatshana ngoLwezi kumdlalo womkhankaso wenkezo yoMhlaba wokucina le-Ethiopia.
Ngokutsho kweZifa, indawo ezidinga ukunakekelwa ngokuphangisa enkundleni yilapho okuhlala khona ababukeli. Kumele kufakwe izitulo zababukeli kuvunyelwe ukuthi umuntu lomuntu ahlale yedwa.
Izitulo lezi kumele zilungiswe, zehlukaniswe, zibunjwe, zibhalwe inombolo, zenziwe ngempahla engasoke iqamuke njalo engatshisiyo.
Inkundla kufanele ifakwe impahla ezisebenza ngegetsi ezemitshina yakulezi insuku. Inhlanganiso yeCaf ithe inkundla kuzamele ibe lendawo yokusebenzela iVenue Operations Centre (VOC) esebenzisa leCCTV.
I-VOC kufanele ibe labasebenzi futhi isebenze njengendawo yomyalo wokusebenza kokuphepha.
Ukuvuselelwa kwe-B Arena.
I-B Arena yenkundla kumele ilungiswe ngokuhambisana lezidingo zokulolongwa ezingaphansi-Caf Training.
Ezinye izakhiwo kulinkundla azikabi sezingeni elidingakalayo eleCaf.
Online Reporter