adminTinaApollo Sibanda
Nhutana Mbayiwa bakabe bena bana betjiyisana bemaphahla. Bayisana ibaba bakangina kwele tjin’ompela. Ntjidzi waka ali nyambi munzano webhola, kukoti Luvunamb’wa iye wakabe akapiwa lubilo. Gole lakati lisinobe litangisa kukatiwa mizano yetihha semakole ose. Mbayiwa wakanda kunzano iwoyu ezwiloba fuba eziba kube Luvunamb’wa unondota zwakanaka. Mumoyo uwe waka ezwibudza kube nemu-term inotebela unowoyenda kakale kumizano inotebela akasima ezwida nekwelimwe duhwane lile lenyambi munzano webhola.
Nosaziba tjimunkumbulo watatayi, Ntjidzi wakandabo kunzano wetihha akasenga bhola. Kwakakuti gose lubaka Luvunamb’wa ayengina mu-ground kuti alabuke, Ntjidzi enginabo pakati kwe-ground ezanisa bhola nebutjenjebvu gunohlisa. Waka eloba thepu-thepu ekazanisa bhola lile nonholo epedza evayindela shoti inopfuta moto.
Tjipo tjake tjilipo tjose. Ngentha yokuti kwake kulinzano welabuka ilelo hhuba meho ebanhu akabe akalinga banolabuka bepoteleka ground akuna wakaba nolubaka golingilila zwinotikala mukati kwe-ground.
Ntjidzi wakati ewha hhoba yebanokudza banalubilo ekayethuka kwazo ebona banhu bakamilidza mwana wammeyabe bewumboka kuti wakunda bamwe bose. Bakati baswika kanyi wakabhuzwa tatayi kuti ini tjata iye asimilidziwe azanabo zwakanaka zwingapeya!
Tatayi bakahandula bekati abazobona nekuti kwakusinzano webhola koga asigwadziwe mu-term inohha kobe kwabe mizano yebhola, nayiye unowolingiligwabo.
Salingiligwa akutobva kube nokon’wa zana.
Mibhuzwo: 1. Ini tjakagwadzisa Ntjidzi moyo? 2.Ini tjakata Ntjidzi asilingiligwe nebanhu hhuba lonzano? 3.
Salingiligwa kukwe kungabe kubva kuti wake esingazibe zana kene? 4. Awuzana nzano nelubaka gusi gwawo kotikalani? 5. Ndiwupi mwana wakabe ediwa kupinda umwe na tatayi?
Kalanga Language and Cultural Development Association; [email protected]; +263 772 610 726
Online Reporter