MACHIKICHORI: Nakirwai nemutakunanzva wetsunga ine dovi

Muchaneta Chimuka

USAVI hwetsunga ine dovi mudyandakasungwa chaiwo uye wakakosha zvikuru kuutano hwevanhu sezvo tichiwana mavitamin A neC uye iron kubva kwauri, izvo zvinobatsira mukusimbisa mabhonzo nekuwedzera ropa mumuviri.

Svondo rino, Talent Dhliwayo wemuHarare anotidzidzisa kukaringa tsunga ine dovi.

Zvinodiwa

Chikari;

Chipunu;

Munyu;

Muriwo wetsunga;

Madomasi;

Mafuta;

Dovi

Mabikiro

Geza hanyanisi nemadomasi, wocheka muzvidimbu zvidiki.

Geza muriwo, wouchekerera.

Gadza chikari pamoto, woisa muriwo wako.

Kanda munyu wakaringana netwumafuta twushoma.

Siya zvikwate kwemaminitsi gumi, wokanda hanyanisi nemadomasi zvawacheka.

Isa zvipunu zviviri zvedovi, woramba uchikurunga kusvika zvave kukwata.

Munogona kudya nesadza remhunga, rezviyo kana rechibage.

Uku kudya kwechivanhu kunovaka muviri.

Sunungukai kutumira zvamunoda kuti zvibude pachirongwa chino panhamba dzinoti: 0713411281 kana 0773 394 753