Makore 7 mapurisa achitsvaga mhondi  

Munyori weKwayedza

MAPURISA eZimbabwe Republic Police (ZRP) ari kukumbira veruzhinji vane mashoko anokwanisa kuita kuti vasunge Mthandazo Sibindi (42) wekuSilobela nemhosva yekuuraya muzukuru wake nekumupfura nepfuti mugore ra2018 mushure mekupomerwa kuti aidanana nemudzimai wake.

Mutauriri wemapurisa kuMidlands, Inspector Emmanuel Mahoko, vanoti mushakabvu ndiTrymore Sibindi uyo aive nemakore 27 ekuberekwa panguva yaakaurayiwa.

Trymore anonzi akasvika pamusha pake achibva kuPython Business Centre, kuSilobela uko akanga aenda kunonwa doro ndokuwana mudzimai wake asimo muimba yavo yekurara.

Akave nefungidziro yekuti mudzimai wake ainge anorara muimba yekurara yaMthandazo zvakakonzera kusanzwisisana pakati pavo izvo zvakazoita kuti apfurwe nepfuti ndokubva afa.

Nyaya iyi yakamhan’arwa kumapurisa uye Mthandazo nanhasi haasati asungwa mushure memakore manomwe apara mhosva iyi.

“Tiri kuzivisa veruzhinji kuti tichiri kumutsvaga uye tinokumbira vane ruzivo rwunogona kuita kuti asungwe kuti vatibatsire nemashoko,” vanodaro Insp Mahoko.

 

facebookShare on Facebook
TwitterPost on X
FollowFollow us
PinterestSave

Related Posts

Is the Personal Benefit Rule about ‘Any Amendment’ or ‘An Amendment to a Term Limit Provision’?
Is the Personal Benefit Rule about ‘Any Amendment’ or ‘An Amendment to a Term Limit Provision’?

An Intimate Reading of Subsections (1) and (7) of Section 328 of the Constitution of Zimbabwe (2013) By Nomuzikayise Ngwenya This piece is confined to one question, a question of…

Continue reading
Mudzimai ane chipari chevarume vaviri
Mudzimai ane chipari chevarume vaviri

Kingstone Mapupu MUDZIMAI ane makore 18 okuberekwa wekwaZimunya, kwaMutare, ane chipari chevarume vaviri, izvo zvisingatenderwi pachivanhu pamwe chete nepasi pemutemo wenyika, uye nyaya iyi yakatopinda mudare remambo weko. Tanatswa Muhomba…

Continue reading

Leave a Reply

Your email address will not be published. Required fields are marked *

×