adminMUTUNGAMIRI wenyika President Mugabe, vakasaina gwaro remutemo reMarondera University of Agricltural Sciences Act, izvo zvichaita kuti yunivhesiti iyi ichitanga.
Yunivhesiti iyi inotarisirwa kuitisa zvidzidzo zvinoenderana nekushandiswa kwemichina yechizvino-zvino mukusimudzira mabasa ekurima.
Gwaro remutemo uyu rakapasiswa nedare reParamende muna Chikumi.
Kuvakwa kweyunivhesiti yekuMarondera iyi kuchaita kuti huwandu hwemayunivhesiti eHurumende husvike pamapfumbamwe uye uku kuzadzikiswa kwechinangwa chekuti mapurovhinzi ose munyika ange aine mayunivhesiti.
Mamwe mayunivhesiti ndeanoti University of Zimbabwe, Midlands State University, Chinhoyi University and Technology, National University of Science and Technology, Lupane State University, Bindura University of Science Education, Great Zimbabwe University neZimbabwe Open University.
Zimbabwe ndiyo iri pamusoro muAfrica yose mukuva nevanhu vanogona kunyora nekuverenga.
Kubva payunivhesiti imwe chete panguva yakawana nyika ino kuzvitonga kuzere muna 1980, Zimbabwe yave nemayunivhesiti pamwe nemakoreji edzidzo yepamusoro akawanda zvikuru.
Online Reporter