Mudzimai abaya murume nebanga ndokutiza

Thupeyo Muleya

MAPURISA eZimbabwe Republic Police (ZRP) kuBeitbridge ari kutsvaga mudzimai anonzi Shorai Dube uyo anonzi akabaya murume wake nebanga kakawanda pahuro nepadumbu ndokumukuvadza zvakaipisisa apo aive akakotsira nemusi weMugovera wadarika.

Chikonzero chakaita kuti mudzimai uyu abaye murume wake nebanga hachisati chazivikanwa.

Beitbridge District Police Commander, Chief Superitendent Melusi Ncube, vanotsinhira nyaya iyi vachiti: “Anonzi akabaya murume wake nebanga kakawanda pahuro nepadumbu. Murume uyu akakuvadzwa zvakaipisisa uye ari muchipatara apo kufeewa kwenyaya iyi kuri kuenderera mberi.”