Online Reporter
ASABAMBE ongenzansi amalunga omphakathi weNgweni, koWosiyane, eNdwedwe eSouth Africa ngesehlakalo sowesilisa osolwa ngokutshaya abulale indodakazi yakhe eleminyaka engu-8 eyifundisa onkamisa ngoLwesihlanu.
Ngokuthola kwentatheli, ingane ehlelwe yilokhu nje ibikade imvakatshele uyise njengoba kuvalwe izikolo, ibihlala lonina ePort Shepstone.
Intatheli ithole ngomthombo wayo ukuthi uyise wengane ubehleli layo ngoLwesine ntambama eyifundisa onkamisa, isehlukela ukubabiza kahle, wadonsa ibhanti wayitshaya.
Kuthiwa wehlukane lengane isaphila ngoLwesine ngemva kokuyitshaya, wavuka ekuseni ngoLwesihlanu isitshonile.
“Ngicabanga ukuthi uyitshaye kanzima wanganaki ukuthi useyilimazile yahamba yayolala. Ucasulwe yikuthi yehlulwa ukubiza onkamisa,” kutsho omthombo.
UMnu Siyabonga Nzama oyinduna yakule ndawo uthe umbiko ufike ngoLwesihlanu kuye, etshelwa ngengane etshonileyo. Uthi ube esetshayela amapholisa ngoba umbiko ubuveza ukuthi ingane kuvukwe isitshonile.
“Ngitshayele amapholisa ucingo ngiwazisa ngalokhu. Abe esengicela ukuba ngibuyele emdenini ngibuze ukuthi ingane ibigula yini ngaphambi kokuba itshone. Ngibe sengimthinta uyise wengane ngifuna ukuthola kabanzi ngokwenzakeleyo. Ungitshele ukuthi uyitshayile izolo, kodwa balale ingane iphila, wangitshela ukuthi angiwazise lokho amapholisa,” kutsho uMnu Nzama.
Induna ithe lubethusile lolu daba indlela ingane etshone ngayo futhi bebengamazeli lutho olubi uyise wayo. Ngilubikile udaba enduneni engaphezulu kwami, savumelana ukuthi asidedele abomthetho balusebenze udaba,” utsho njalo.
Okhulumela amapholisa eKwaZulu-Natal uColonel Robert Netshiunda usiqinisekisile lesi sehlakalo wathi kubotshwe owesilisa ngecala lokubulala indodakazi yakhe eleminyaka engu-8 ubudala.
Uthe ngokombiko wamapholisa, lo owesilisa uyitshaye ngebhanti indodakazi yakhe ngesikhathi eyifundisa onkamisa.
Uthe indodakazi yakhe ibe isithola imvimvinya emzimbeni kanti kulindeleke ukuba avele maduze enkantolo.— Ilanga
