Yikudla kwesiNtu eMatobo

GMB continues to intensify efforts to enhance productivity and production of the crop to help the country increase wheat-based food self-sufficiency

Nkosilathi Sibanda

KULEZINSUKU abantu abanengi bayakuthanda ukudla kwesiNtu. Ngokunjalo, lonyaka kukhangelelwe ukuthi kube labantu abanengi abazavakatshela eMagugu International Heritage Centre, esigabeni seMatobo eMatabeleland South, kumkhosi we-2025 Food Expo.

Lo ngumkhosi wokudla kwesiNtu kuphela njalo uzaqhutshwa mhlaka 23 kusiya mhlaka 24 Nkwenkwezi ngaphansi kwendikimba ethi: “Ukuthakazelela amazwi omdabu”. Uzaqhutshwa yinkampani ye-Lupane Veges ibambene lenhlanganiso ye-African Food Revolution, iMagriza Made Me Cook leMagugu International Heritage Centre.

“ILupane Veges ilokuthaba ukwethula iFood Expo eMagugu International Heritage Centre. Siyaphinda njalo lonyaka, sinxusa wonke umuntu ofuna ukuzwa ubunandi bokudla kwakithi lapha e-Africa. Lokhu sizakwenza sithakazelela i-Culture Month, eMagugu International Heritage Centre mhlaka 23 lamhlaka 24 Nkwenkwezi,” kutsho umbiko mayelana lomkhosi lo.

Umqondisi wenhlanganiso yeLupane Veges, aphinde abengumkhokheli we-African Food Revolution, uMakhosi Mahlangu ubikele iphephandaba likazulu ukuthi lonyaka abantu bazakholisa, basuthe ukudla komdabu.

“Singabantu abaNsundu, kumele sithande ukudla esilakho. Ngelanga leFood Expo sizabe sikhankasela lokhu. Kunengi okuzadliwa, abantu abaze ngobunengi,” kutsho uMahlangu.

Kubikwa ngelanga lakuqala, mhlaka 23 Nkwenkwezi, kuzaqhutshwa umhlangano lapho okuzabe kulezikhulumi ezivela kumabhizimusi ezokudla kuleli, kuhlangene njalo lamanyuvesi kuxoxwa ngokudla kwesiNtu lokwalezinsuku okuvela emazweni aphetsheya.

“Mhlaka 24, kuzavulwa indawo zokubukisa imisebenzi yesiNtu enziwe ngabesifazane eMatobo, kuqhutshwe imigido yesiNtu, kosiwe inyama emadwaleni, kunathwe utshwala lokunye.