— Ziva—

– MAZITA EMBEVA –
KUNE mhando dzakawanda dzembeva muZimbabwe dzimwe dzacho dzinodyiwa nedzisingadyiwe, zvichienderana nevanhu uye nenzvimbo. Mbeva dziri muchikwata chegonzo uye zhinji dzacho dzinogara mumwena pasi pevhu, mumhango kana mubako. Dzimwe mbeva dzinofamba masikati asi dzimwe dzinofarira husiku. Shanje, seiri pamufananidzo – iyo pachiRungu inonzi “four-striped mouse” – imbeva inofamba zvose masikati nehusiku uye inofarira kugara munzvimbo dzine hunyoro semumapani kana pedyo nenzizi. Yakada kufanana neinonzi nevanmwe dywangaranga iyo inonyanyofamba masikati asi shanje ine mitsetse mina pamusana. Kunochengeterwa chikafu nembeva kunonzi kudyiro uye dzinoisa anonzi madushwa kwadzinorara kana kuberekera.

Mazita edzimwe dzacho ndeaya:
shana
mbende
shanje
dapi
mutswiri
danhazvuru
hwesa
dywangaranga