admin
Daphne Machiri
KUCHANGE kusingadanwe anonzwa neChishanu svondo rino muguta reHarare apo zvikoro 40 zvepuraimari nesekondari kubva kumativi mana enyika zvichakwikwidza mumakwishu ekuridza marimba, anodaidzwa kuti Tambarira Marimba Festival. Murongi webasa iri, VaDonald Chidavaenzi, vanoti makwikwi aya achaitirwa muHarare Gardens uye gore rino donzvo ravo nderekusimudza vaimbi vanoridza musambo wechinyakare vachishandisa marimba zvichienderanawo nedingindira ravo rekuchengetedza chinyakare.
“Dingindira ratinaro gore rino nderekuchengetedza chinyakare nehunhu hwedu sezvizvarwa zveZimbabwe,” vanodaro VaChidavaenzi.
Zvikoro zvichapinda mumakwikwi aya zvinosanganisira zvemuHarare, Gokwe, Bindura, Marondera neBuhera.
“Chimwe nechimwe chezvikoro izvi chichapihwa mukana wekuratidza matarenda mukuridza marimba uye vachakunda vachaenda kumakwikwi ekuSouth Africa gore rinouya muna Nyamavhuvhu vachinomirira Zimbabwe,” vanodaro VaChidavaenzi
Gore radirika, chikoro cheChurchhill Boys High chemuHarare ndicho chakatora mubairo pazvikoro zvose zvesekondari kuchiti Convent CZM chekuGokwe chikakunda zvikoro zvepuraimari.
Online Reporter