admin
naMuchaneta Chimuka
MISORO yehuku inyama inonaka zvikuru kana ichinge yabikwa zvine hunyanzvi zvisinei nekuti vamwe vanoti havaifarire.
Svondo rino Tarisai Maravanyika wemuHarare anorondedzera mabikirwo emandorokwati enyama iyi.
Zvinodiwa:
Misoro yehuku, mafuta, matomatisi, hanyanisi, munyu, chikari kana poto.
Mabikiro:
Geza misoro yehuku uchiibvisa rurimi.
Bvisa makushe kana kuti mambava anenge asarira uchishandisa mvura inopisa. Dimbura miromo urase.
Wozodii?
Chimwaya munyu nezvimwe zvinorungiswa se“chicken spice”.
Isa mafuta mupoto wosiya apise, wozokanda misoro yehuku wochikanga.
Kana ichinge yatsvukira, chikanda hanyanisi wokanga kwemaminitsi matatu.
Mushure meizvi, chikanda matomatisi pamwe nekuita kuti muto usare wakatsvukira.
Misoro yehuku usaidherere nekuti unozviruma rurimi nekunakirwa!
Inodyiwa nesadza jena, rezviyo, remapfunde kana nemupunga.
Sunungukai kutumira zvamunoda kuti zvibude pachirongwa chino panhamba dzinoti +263 713 411 281.
Online Reporter