‘Hapana kugarisana’

President Mnagagwa hand over award certificate to Tedious Chigumira (right) and Milton Chinoda from Murambinda High School after winning the Young Scientist Secondary School during the International Research symposium in Harare yesterday. Picture by Justin Mutenda

Tatenda Shuro
VAVAKIDZANI vakamisidzana mudare mumwe wavo achiti ari kuoneswa nhamo nekugarotukwa achinzi imbavha uye ipfambi nekuti akabereka vana nevarume vakasiyana.

Beauty Chikweva akamhan’arira Sharon Rutendo Nota kuHarare Civil Court achiti anomushungurudza nekumutuka.

“Vanondituka vachinditi ndosaka wakabereka vana vananababa vakasiyana uye uri pfambi. Izvi zvinondishungurudza zvokuti ndave kutoshaya mufaro,” anodaro.

Anoenderera mberi achiti, “Vanonditi ndakavabira zvekutoti takapedzesera tatoendesana kumapurisa uko vakanditi hatikwanise kukusungai nekuti hapana umboo.”

Achipawo divi rake, Nota anoti zvose zviri kutaurwa naChikweva manyepo.

“Handina kumbobvira ndavatuka asi kuti ndakafunga kuti ndivo vainge vaba pamba pangu nokuti ndivo nyakundiudza kuti vainge vaona mbavha dzichipwanya musuwo wepamusha pangu. Kubva pachiitiko ichi vainge vasisawanikwe pamba,” anodaro.

Mutongi Noah Gwatidzo akapa Chikweva gwaro rerunyararo.