Mudzimai arikita ‘maid’ achiti anodanana nemurume wake

Sinokubonga Nkala

MUDZIMAI ane makore 31 okuberekwa wekuMbizo, kuKwekwe akazvakatsa musikana webasa remumba nezvibhakera pamwechete netambo yemagetsi achimupomera kudanana nemurume wake.

Muchinyorwa, National Prosecuting Authority of Zimbabwe (NPAZ) inoti Hazvinei Tswangira akamiswa mudare reKwekwe Magistrates’ Court nemhosva yekurova munhu.

“Nemusi wa26 Ndira 2025, Hazvinei Tswangira akarova zvakaipisisa musikana wake webasa remumba kumeso nepabendekete rekudivi rekurudyi achishandisa zvibhakera netambo dzemagetsi. Nyaya iyi yakazomhan’arwa zvakaita kuti Tswangira asungwe,” inodaro NPAZ.

Tswangira akatemerwa chirango chekubhadhara faindi yeUS$250 uye kukundikana kwake kubvisa mari iyi achagara mujeri kwemazuva 60.

Pamusoro pezvo, akatemerwa kugara mujeri kwemwedzi mitatu iyo yakazosendekwa yose parutivi.

facebookShare on Facebook
TwitterPost on X
FollowFollow us
PinterestSave

Related Posts

Ambuya (73) vapondwa vachinzi muroyi

Danisa Masuku MURUME ane makore 41 okuberekwa wekuButabubili kuTsholotsho, kudunhu reMatabeleland North akamiswa mudare nemhosva yekuponda ambuya vane makore 73 okuberekwa avachivapomera huroyi. Moses Ndlovu akamiswa mudare reTsholotsho Magistrates’ Court…

Continue reading
Mwanakomana oda kuuraya amai, hanzvadzi
Mwanakomana oda kuuraya amai, hanzvadzi

Tendai Gukutikwa MURUME wekuWatsomba, kwaMutasa — uyo anonzi ave nemakore akawanda achishungurudza amai vake pamwechete nehanzvadzi yake achivapomera huroyi nekuvimbisa kuvauraya — nyaya yake yakaendeswa kumapurisa naMambo Mutasa mushure mekuona…

Continue reading

Leave a Reply

Your email address will not be published. Required fields are marked *

×
×