Zimpapers yoita Languages Day Expo

In an interview, Zimpapers’ Corporate Communications and Sustainability Manager, Mrs Pauline Matanda, said the company has stocked adequate supplies of essential learning materials at its outlets at Herald House in Harare, Chronicle offices in Bulawayo, and Manica Post offices in Mutare.

Munyori weKwayedza

KAMBANI huru munyaya dzenhau nekutepfenyura munyika yeZimpapers svondo rinouya ichaita chirongwa chekucherecheza zuva guru remitauro yerurimi rwaamai reLanguages Day Expo muHarare nedzimwe nzvimbo dziri kumativi mana donzvo guru riri rekusimudzira kushandiswa kwemitauro yakasiyana pamwe nekudyidzana kwetsika nemagariro.

Chirongwa ichi chakakosha zvikuru munhoroondo yekambani iyi nekudaro chichacherechedzwa gore negore.

Panguva imwecheteyo, Zimpapers ichange ichicherechedza zuva guru remutauro waamai pasi rose reInternational Mother Languages Day (IMLD) iro rakaziviswa nesangano reUnited Nations Educational, Scientific and Cultural Organisation (UNESCO) mugore ra1999 senzira yekukoshesa mitauro yerurimi rwaamai mukuchengetedza tsika nemagariro.

Mai Pauline Matanda vanova mukushi wemashoko kuZimpapers vanoti vari kufara zvikuru kubatana neveNational Gallery of Zimbabwe mukuita dopiro reLanguages Day Expo.

“Sekambani, tinofara zvikuru kubatana neveNational Gallery of Zimbabwe mukuita chirongwa ichi chinova chakanangana nekupemberera zuva remitauro — iyi imhemberero yekusiyana kwemitauro pamwe nekudyidzana kwetsika nemagariro munyika nepasi rose.

“Ndosaka takakoka vakuru vemizinda yakasiyana, nyanzvi dzemitauro, vadzidzisi vemitauro pamwe neveruzhinji pachiitiko ichi.

“Chirongwa ichi chinoratidza kuzvipira kweZimpapers mukusimudzira kudzidza mitauro, kupangana mazano, tsika nemagariro pamwe nekudyidzana munharaunda,” vanodaro.

Bumbiro remutemo reZimbabwe rinocherechedza mitauro inosvika 16 iyo inove Sign language, IsiNdebele, Tonga, Venda, Kalanga, Chibarwe, Nambya, Xhosa, Shangani, Chewa, Ndau, Shona, English, Sotho, Tswana neKhoisan.

Kuti muve muchirongwa chinofadza ichi, tapota batai Kumbirai Tarusarira pa: +263 782 623 185.