adminYvonne Chidochashe Manyanja
MUKADZI wekuti akarohwa zvekusvika pakubviswa mazino nemurume wake, uyo anomupomera kuita chipfambi, akatozosvika pakupotera kudare redzimhosva.
Jestina Muswere akaudza mutongi weHarare Civil Court, Marehwanazvo Gofa kuti haasisina rugare nekuda kwekushungurudzwa kwaari kuitwa naAgrippa Muswere.
“Ndinokumbirawo gwaro rinondidzivirira kubva kuna Agrippa. Anonditi ndiri hure, ndinodanana nasachigaro wepaHopley High School.
“Akambondipindira mumba mangu akandirova saka ndave kutotya. Paakandirova ipapo ndakatodonha mazino,” akadaro.
Achipawo divi rake, Agrippa akaramba kuti anoshungurudza Jestina ndokuti mudzimai uyu akasiyana naye nekuda kwekuti ipfambi yemakoko.
“Takarambana nemukadzi uyu nekuti ipfambi. Ari kuunza zvikomba pamba pangu. Mazino aanoti ndini ndakabubvisa ndakamuona akadaro, ave kuda kundinyepera.
“Mukadzi uyu tairara tose pandainge ndatambira mari, pasina izvi airamba. Saka gwaro redziviriro raari kukumbira ndezvekurwara.
“Iye zvino ndiri kutogara musango nekuda kwake. Ndakamboona chikomba chichibuda mumba maanorara iye Jestina akamonera gumbeze nekunyara,” akadaro Agrippa.
Mutongi Gofa akapa Jestina gwaro redziviriro.
Online Reporter